Os incendios forestais poñen en perigo as infraestruturas, os bens, as persoas e a biodiversidade, aumentan o risco de desertificación e empobrecen a calidade da atmosfera ao aumentar as emisións dos gases invernadoiro.

A incidencia dos incendios forestais é especialmente alta nos países do sur de Europa, moito máis sensibles ao quecemento global e cun elevado risco de desertificación.

Na loita contra os incendios forestais é especialmente importante contar con mecanismos de detección temperá e bos sistemas de comunicacións entre as brigadas contra incendios. Unha intervención rápida e eficiente implica reducir o risco para as persoas, a área queimada e as emisións de dióxido de carbono e outros gases invernadoiro.